Փոկա գյուղում գայլերը ոչխարի 100 գլխաքանակով հոտ են հոշոտել

Փոկա գյուղում նոյեմբերի 15-ին 260 գլխաքանակով ոչխարի հոտից գայլերը հոշոտել են մոտ 100-ին, կան նաև վիրավորներ։

Ինչպես պատմում է Փոկա գյուղի բնակիչ Վահան Աղայանը, «գիշատիչները հարձակվել են հոտի վրա առավոտյան ժամը 5-ի սահմաններում։ Ես ոչխարի հովիվ եմ, ոչխարներին պահում եմ ախոռում, գայլերը պատուհանիը կոտրել, ներս են մտել ու վնասել են ոչխարներին։ Այս հոտը պատկանում է Գանձա, Փոկա, Արագյալ և Գորելովկա գյուղերի մոտ 20-30 ընտանիքի»:

Փոկա գյուղի բնակիչ Գեւորգ Քոսյանը նշեց, որ իրենք օգնություն են խնդրել գյուղի ներկայացուցչից, որ իրենց ինչ-որ կերպ օգնի.

Այս դեպքից ընդամենը մի քանի ժամ անց չորս գայլ հարձակվել են արոտավայրում գտնվող ոչխարի հոտի վրա և տարել ևս երկու ոչխար։

Վերջին շրջանում հաճախացել են ոչխարների հոտի վրա գայլերի հարձակման դեպքերը։ Նշենք, որ սա նման առաջին դեպքը չէ։

---

---