Նոր սպառնալիք երեխաների առողջությանը, արդյո՞ք դպրոցները պետք է բացվեն

Կորոնավիրուսի «օմիկրոն» շտամով վարակվելու դեպքում երեխաների հոսպիտալացման ցուցանիշն ավելի բարձր է, քան նախորդ շփուլում: Այդ պատճառով երկրում դպրոցների բացումը բավական բարդ հարց է մնում, կարծում է իմունիզացիայի խորհրդականների ազգային տեխնիկական խմբի ղեկավար, Իաշվիլիի անվան կենտրոնական մանկական հիվանդանոցի բժշկական տնօրեն, պրոֆեսոր Իվանե Չխաիձեն:

«12-15 տարեկան երեխաների պատվաստման ցուցանիշը, ցավոք, ցածր է, ինչպես եւ ողջ բնակչության։ Մենք գրեթե ի վիճակի չենք ապահովել անվտանգությունը կորոնավիրուսի տներում: Դա վերաբերում է նաեւ դպրոցին, քանի որ դպրոցներում պատվաստումների ցուցանիշն այնքան էլ բարձր չէ, որքան ցանկալի կլիներ», – ասել է Չխաիձեն «Իմեդի» հեռուստաալիքի եթերում:

Պրոֆեսորի խոսքով, մի կողմից «օմիկրոն» նման սպառնալիք չի ներկայացնում կլինիկական ընթացքում, ինչպես իր նախորդները, բայց մյուս կողմից՝ տարածվում է ավելի արագ:

Ինչպես նշել է Չխաիձեն, այժմ երկրում բացվել են բոլոր հաստատությունները, ուստի դպրոցները չպետք է առաջինը փակվեն: Սակայն, որպեսզի երեխաները դպրոց հաճախեն, անհրաժեշտ է հակահամաճարակային միջոցներ ձեռնարկել: Դա դիմակ կրելն է, հեռավորության պահպանումը, դասասենյակների հաճախակի օդափոխումը և ձեռքերի հիգիենան:

Վրաստանը կորոնավիրուսի համաճարակի հինգերորդ ալիքն է ապրում։ Ամանորյա տոների օրերին ամեն օր հայտնաբերվում է վարակի 2-4 հազար նոր դեպք։ Ամենացածր ցուցանիշն արձանագրվել է հունվարի 2-ին՝ 796 դեպք։ Բարձր է մնում մահացության ցուցանիշը՝ 30-40 մարդ։

Համաճարակաբանները զգուշացնում են, որ «օմիկրոնով» վարակվել կարող են արդեն կորոնավիրուսով հիվանդացած, ինչպես նաեւ պատվաստված մարդիկ, ուստի բնակչությանը կոչ են անում պահպանել նախազգուշական միջոցները:jnews.ge

---

---