Աշխարհի ամենատարեց ֆուտբոլիստը նոր պայմանագիր է կնքել

Յոկոհամայի հարձակվող Կացույոշի Միուրան նոր պրոֆեսիոնալ պայմանագիր է կնքել։ Հաղորդում է The Japan Times-ը:

54-ամյա Միուրան երկարաձգել է պայմանագիրը Յոկոհամայի հետ, որի կազմում հանդես է գալիս 2005 թվականից, սակայն աշխարհի ամենատարեց ֆուտբոլիստը հանդես է գալու չորրորդ դիվիզիոնի Suzuka Point Getters ակումբում, որտեղ վարձավճարով հանդես է եկել մեկ տարով։ Ֆուտբոլիստի նոր թիմը գլխավորում է նրա ավագ եղբայր Յասուտոշի Միուրան։

2020 թվականի սեպտեմբերի 23-ին Միուրան ճանաչվել է ամենատարեց խաղացողը, ով մասնակցել է պրոֆեսիոնալ ֆուտբոլի հանդիպմանը։ Նա խաղադաշտում անցկացրել է 53 րոպե՝ խաղալով Յոկոհամա Կավասակի Ֆրոնտալեի դեմ։

Միուրան պրոֆեսիոնալ կերպով սկսել է ելույթ ունենալ 1986 թվականին։ Նա հայտնի է բրազիլական «Պալմեյրասում» և «Սանթոսում» խաղալով։ 1990-ականներին ֆուտբոլիստը հանդես է եկել Եվրոպայում և պաշտպանել իտալական Ջենովայի և խորվաթական Զագրեբի գույները։

---

---