Ինչու են դիզվառելիքի գները տարբեր քաղաքներում տարբեր. հսկողություն չի՞ իրականացվում

Վերջին ամիսներին ինչպես Վրաստանի մի շարք քաղաքներում այնպես էլ Նինոծմինդայի բրենդային բենզալցակայաններում բենզինի եւ դիզվառելիքի ռեկորդային գները շարունակում են զարմացնել վարորդներին:

Այսօրվա տվյալներով Նինոծմինդայի «Վիսոլ» բենզալցակայանում 1 լիտր պրեմիում բենզինի գինը նախկին 3,66 լարի փոխարեն հասել է 4 լարիի, «Շևրոն» -ում նախկին 3,60 լարի փոխարեն 3,90 լարի իսկ «Լուկ Օիլ» -ում նախկին 3,55 -ի փոխարեն 3,99 լարի: Ռեգուլյարի գինը «Վիսոլ» -ում նախկին 3,45 -ի փոխարեն հասել է 3,66 լարի, «Շևրոն» -ում նախկին 3,40 -ի փոխարեն դարձել է 3,62 լարի իսկ «Լուկ Օիլ» -ում նախկին 3,45 -ի փոխարեն 3,81 լարի:

Նշենք, որ Ախալքալաքում ռեգուլայր բենզինի գինը կազմում է 3,50 լարի ինչը 10-15 թեթրիով պակաս է Նինոծմինդայի բենզալցակայանների համեմատ:

Բենզինի եւ դիզվառելիքի գների բարձրացման մասին զրուցեցինք տնտեսագետ – փորձագետ Վախթանգ Մգելաձեի հետ:

«Ոչ միյան դիզվառելիքի գներն են աճում այլ ընդհանուր ամեն տեսակի ապրանքի գները միշտ էլ աճել են ու աճելու են: Իրականում սա պատմական ռեկորդ է: Գների բարձրացումը դավադրություն է ներկրողների եւ ցանցային կազմակերպությունների միջեւ: Պատերազմը ազդում է համաշխարհային գների վրա էկոնոմիկան քանդվում է: Պատժամիջոցային պատերազմն իր հերթին ազդում է քանի որ ներդրումներ չեն լինում եւ այդ ֆոնի վրա տեղի է ունենում ապրանքների դեֆիցիտ, որն էլ առաջացնում է գնաճ: Սակայն կան պետություններ որտեղ ընդառաջում են քաղաքացիներին սակավացնելով առաջնահերթ ապրանքների հարկերը»,- ասում է Վախթանգ Մգելաձեն:

Հարցին թե ինչի է դիզվառելիքի գները Վրաստանի տարբեր շրջաններում տարբեր՝ փորձագետը պատասխանեց.

«Դա պետք է հսկողություն սահմանի հակամոնոպոլիայի ծառայությունը, որը չգիտենք թե ինչով է զբաղված: Կարգավորող օրգանները, էներգետիկայի գծով գների կարգավորող հանձնաժողովը պետք է հսկողություն անցկացնի: Դա ներքին համաձայնություն է գնորդի եւ վաճառողի միջեւ քանի որ Թբիլիսիից Նինոծմինդա դիզվառելիքը ներկրելու դեպքում գների աճի այդպիսի բարձր տարբերություն չպետք է լինի: Ցանցային ընկերությունները ինչպիսին են Սոկարը, Վիսոլը, Լուկօյլը Վրաստանի բոլոր շրջաններում այդ ցանցերում վառլիքի գները պետք է նույնը լինի, այլ ոչ թե զգալի տարբերությունով:

«Գարնանային գյուղատնտեսական աշխատաքները մեկնարկում են ազոտի եւ վառելիքի բարձր գները շատ վատ է անդրադառնալու ու այդտեղից կարող է առաջանալ էկոնոմիկայի զգալի խնդիրները, որը կարող է հանգեցնել սովի»,- նշեց փորձագետը:

Մանրամասները՝ աուդիոձայնագրությունում.