Ղուլալիս գյուղում ընթանում են ասֆալտապատման եւ ջրահեռացման համակարգի աշխատանքներ

Անցած տարի ճանապարհաշինական «Ջավախավտոգզա» ընկերությունն ավարտել էր Նինոծմինդայի մունիցիպալիտետի Ղուլալիս գյուղի կենտրոնից մինչև գյուղի վերջն ընկած 400 մետր հատվածի ասֆալտապատումը։ Հուլիսի 10 -ին, «Ջավախավտոգզա» ընկերությունը սկսել էր տվյալ ճանապարհի եզրերին ջրահեռացման համակարգի անցկացման աշխատանքները, որոնք այսօրվա դրությամբ արդեն ավարտվել են:

Ղուլալիսի ներկայացուցիչ Խաչատուր Սարգսյանը NOR ռադիոկայանի հետ զրույցում նշեց. «Ղուլալիս գյուղում «Օգնություն գյուղին» ծրագրի շրջանականերում երկու օրվա ընթացքում նաեւ կմեկնարկի 106մ երկարությամբ ջրահեռացման համակարգի անցկացաման աշխատանքները: Այդ աշխատանքների համար նախատեսված է 15 820 լարի»:

Նշենք, որ վերոնշյալ աշխատանքները իրականացնում է անհատ ձեռներեց Վախտանգ Խմալաձեին պատկանող ընկերությունը:

Մանրամասները՝ ձայնագրությունում.

Ավելացնենք, որ «Ջավախավտոգզա» ճանապարհաշինական ընկերության ղեկավարի տեղակալ Գիորգի Ինասարիձեի խոսքով՝ Ղուլալիս գյուղում ջրահեռացման համակարգի անցկացաման աշխատանքներից հետո, կասֆալտապատվի մոտ 300 -400մ երկարությամբ գյուղամիջյան ճանապարհ:

Հիշեցնենք, որ Նինոծմինդայի մունիցիպալիտետի Փոքր Գոնդուրա գյուղից դեպի Ղուլալիս տանող 2 կմ 404մ երկարությամբ ճանապարհը ասֆալտապատվել է 2022 թվականին: Վերոնշյալ ճանապարհի ասֆալտապատման համար նախատեսվել էր 1 556 803 լարի գումար։ Հայտարարված մրցույթը հաղթել էր «Ջավախավտոգզա» ընկերությունը: Որտեղ 57 % -ը ֆինանսավորվել է պետական բյուժեից իսկ 43% -ը տեղականից:

Կարդացեք նաեւ՝

• Ղուլալիս գյուղում անցկացվում է ջրահեռացման համակարգ

---

---