Որ փուլում են գտնվում «Օգնություն գյուղին» ծրագրով աշխատանքները Մեծ Խանչալի համայնքում

Նինոծմինդայի մունիցիպալիտետի Մեծ Խանչալիի գյուղական համայնքում «Օգնություն գյուղին» ծրագրի շրջանակներում կատարվում են հետեւյալ աշխատանքները:

1. Փոքր Խանչալի – խմելու ջրի համակարգի հիմնական շենքի վերականգնում, գումարը կազմում է 15 820 լարի:
2. Մեծ Խանչալի – կենդանիների խմելու ջրամանի կառուցում և կամուրջների վերականգնում, գումարը կազմում է 1775 լարի:
3. Մեծ Խանչալի – արոտավայրեր տանող ճանապարհի վերականգնում, գումարը՝ 18 000 լարի:
4. Կաթնատու – ջրահեռացման համակարգի կառուցման աշխատանքներ, գումարը՝ 12 000 լարի:

Թե ո՞ր փուլում են գտնվում վերոնշյալ աշխատանքները, Մեծ Խանչալի համայնքի ներկայացուցիչ Սեդրակ Շահբազյանը մեզ հետ հեռախոսազրույցում ասաց. «Այս պահի դրությամբ Փոքր Խանչալիի խմելու ջրի պոմպակայանի շենքի վերականգման աշխատանքները լրիվությամբ կատարված են: Մեծ Խանչալի գյուղում նախատեսված աշխատանքները դեռեւս ընթացքի մեջ են: Կաթնատու գյուղում ջրահեռացման համակարգի կառուցման աշխատանքները նախատեսված գյուղական ծրագրով նույնպես ավարտվել են»:

Փոքր Խանչալիի բնակիչներից մեկը NOR ռադիոկայանի հետ զրույցում ասաց. «Խմելու ջրի պակասը զգացվում է հիմնականում ամռան ամիսներին, ճիշտ է հին պոմպակայանի կողքին նորն են կառուցել, բայց ամռանը միայն հայտնի կդառնա թե ջուրը ինչքանով կբավականացնի»:

Մանրամասները՝ ձայնագրությունում.

Հիշեցնենք, որ Փոքր Խանչալի, Մեծ Խանչալի եւ Կաթնատու գյուղերում վերոնշյալ աշխատանքների համար 47 595 լարիի դիմաց հայտարարվել էր մրցույթ, որը 46 188 լարիի դիմաց շահել էր անհատ ձեռներեց Ռազմիկ Ղումաշյանին պատկանող ընկերությունը:

Կարդացեք նաեւ՝

• Փոքր Խանչալին կունենա արդյո՞ք մինի մարզադաշտ, կամ սպորտդահլիճ. Բնակիչների բողոքը
• Կաթնատու գյուղում ջրահեռացման համակարգ է կառուցվում

---

---