Փոկայի արարողությունների տան սանհանգույցի կառուցումը մեկնարկել է

Նինոծմինդայի մունիցիպալիտետի Փոկա գյուղի ծիսական տան սանհանգույցի կառուցման աշխատանքներն արդեն մեկնարկել են:

Աշխատանքներն իրականացնում է անհատ ձեռներեց Սերժ Պալոյանին պատկանող ընկերությունը, որը հայտարարված 12 000 լարի արժողությամբ մրցույթը շահել է 9960 լարիով։ (NAT230021459)

Պայմանագիրը ստորագրվել է նոյեմբերի 28 -ին։ Աշխատանքների ավարտման ժամկետը կազմում է 6 շաբաթ:

Փոկայի գյուղական համայնքից սակրեբուլոյի պատգամավոր Գեորգի Չափանյանը NOR ռադիոկայանի հետ զրույցում ասաց. «Սանհանգույցի աշխատանքները մի քանի օր է ինչ սկսվել են, պետք է տեղադրվեն սալիկները, դռները և կանցկացվի լուսավորությունը և այլն։ Այս պահին շարվել են պատերը և աշխատանք է տարվել կապված խողովակների հետ»:

Մանրամասները՝ աուդիոձայնագրությունում.