Եֆրեմովկայի մինի մարզադաշտի կառուցման աշխատանքներն ավարտվել են

Նինոծմինդայի մունիցիպալիտետի Եֆրեմովկա գյուղում «Օգնություն գյուղին» ծրագրի շրջանակներում իրականացվել է մինի մարզադաշտի կառուցման 3 -րդ փուլի աշխատանքները:

Գորելովկայի գյուղական համայնքի ներկայացուցիչ Մնացական Բաբաջանյաը NOR -ռադիոկայանի հետ զրույցում ասաց. «Եֆրեմովկայի գյուղական ծրագրով մինի մարզադաշտի վերանորոգման աշխատանքներն ավարտվել են: Խաղադաշտը լրիվությամբ ցանկապատվել է և նախատեսված գումարի համապատասխան աշխատանքներն իրականացվել են։ Հաջորդ տարվա գյուղական ծրագրով արդեն նախատեսում ենք խաղադաշտի կառուցումը ամբողջովին հասցնել ավարտին»:

Մանրամասները՝ ձայնագրությունում․

Հիշեցնենք, որ Գորելովկայի համայնքում «Օգնություն գյուղին» ծրագրի շրջանակներում աշխատանքների իրականացման համար հատկացվել էր 49 437 (NAT230014705) լարի գումար, որտեղ 46 497 լարիով մրցույթը շահել է შპს ”არო” ընկերությունը:

1. Սամեբա – խմելու ջրի համակարգի վերականգնում – 9 887.5լարի
2. Ժդանովական – խմելու ջրի համակարգի վերականգնում – 11 865 լարի
3. Եֆրեմովկա – մինի մարզադաշտի կառուցում (3-րդ փուլ)- 9 887.5 լարի
4. Գորելովկա – սպորտդահլիճի հանդերձարանի վերանորոգում – 5932 լարի
5. Օրլովկա – ջրահեռացման համակարգի անցկացում – 11 865 լարի

Կարդացեք նաև՝

• Ժդանովականի ջրագծերի վերանորոգումն ավարտվել է. «Օգնություն գյուղին» ծրագիր
• Եֆրեմովկայի խաղահրապարակի իրավիճակը

---

---