Վրաստանում երեխաներին կովիդի դեմ կպատվաստեն 5 տարեկանից

5-12 տարեկան երեխաների համար Pfizer-ի կողմից արտադրված Covid-ի դեմ պատվաստանյութը Վրաստանում հասանելի կլինի այս տարվա երկրորդ եռամսյակում։ Այս մասին խորհրդարանում հայտարարել է առողջապահության փոխնախարար Թամար Գաբունիան։

«Մենք աշխատում ենք Pfizer պատվաստանյութի մատակարարման վրա 5-12 տարեկան տարիքային խմբի համար և կարծում ենք, որ այս պատվաստանյութը հանրապետությունում հասանելի կլինի այս տարվա երկրորդ եռամսյակից։

Այսօր ուշադրության կենտրոնում է Paxlovid-ը, որը Pfizer-ի կողմից արտադրված դեղամիջոց է… Մենք աշխատում ենք այս ուղղությամբ, սակայն պայմանագրային պարտավորության պատճառով մանրամասներ չեմ կարող նշել»,- ասել է Թամար Գաբունիան։

Ներկայումս Վրաստանում կորոնավիրուսի դեմ պատվաստումներ են իրականացվում 12-15 տարեկան, ինչպես նաև 16-17 տարեկանների շրջանում։tv9news.ge

---

---