«Նապոլին» ու «Արսենալը» ցանկանում են գնել Վրաստանի հավաքականի խաղացողին

Իտալական «Նապոլին» ու Լոնդոնի «Արսենալը» ցանկանում են ամռանը ձեռք բերել Կազանի «Ռուբինի» նախկին խաղացող, այժմ Բաթումիի «Դինամոյում» հանդես եկող Խվիչա Կվարացխելիային, հաղորդում է AreaNapoli-ն։

Սպասվում է, որ Վրաստանի հավաքականի 21-ամյա կիսապաշտպանի տրանսֆերի արժեքը կկազմի 15 միլիոն եվրո։

Կվարացխելիան անցած ամիս հեռացավ Ռուսաստանից Ուկրաինայում ՌԴ զինված ուժերի ռազմական գործողությունների պատճառով։ Նա երկու տարվա պայմանագիր է կնքել Բաթումիի «Դինամոյի» հետ։ news.am