Նինոծմինդա քաղաքի թիվ 1 դպրոցի երեսապատումն ավարտված է

Ավարտվել են Նինոծմինդա քաղաքի թիվ 1 դպրոցի վերանորոգման աշխատանքները։

Թիվ 1 դպրոցը վերանորոգվում է 2020թ-ի հոկտեմբերի 15-ից: Աշխատանքների ավարտից հետո դպրոցի նոր շենքում ճաքեր են նկատվել, ծեփի մի մասը պոկվել է, ինչի պատճառով 2022 թվականի օգոստոսին դպրոցի արտաքին պատերը նորից սկսել են վերանորոգել։ Այս պահին աշխատանքներն ավարտված են։

Վերանորոգման աշխատանքները ավարտելուց հետո 365 օրվա ընթացքում ընկերությունը պարտավոր է շտկել հայտնաբերված թերությունները։

Հիշեցնենք, որ դպրոցի կառուցման համար Վրաստանի տարածաշրջանային զարգացման հիմնադրամը հատկացրել է 3 093 938 լարի։ 2 780 000 լարիի տենդերը շահել է «ამხანაგობა არპი ჯგუფი» շինարարական ընկերությունը։ Աշխատանքներն իրականացնում է OOO Rebuild-ը։