Ազգային հողի վրա դանակահարված Ախալքալաքցուն կտեղափոխեն պալատ

Գոման գյուղից դեռահասին, որին հուլիսի 3-ին վիրավորել էին Բաթումիում՝ ազգային հողի վրա կոնֆլիկտի արդյունքում, շարունակում է մնալ վերակենդանացման բաժանմունքում, բայց այսօր նրան կտեղափոխեն պալատ: Այս մասին հայտնել է Մարտուն Ուստյանի մայրը:

Հուլիսի 3-ին Բաթումիում կոնֆլիկտ էր առաջացել: Արդյունքում վիրավորվել էին ոստիկանն ու Գոման գյուղի բնակիչը՝ 11-րդ դասարանի աշակերտ Մարտուն Ուստյանը: Ըստ երրորդ անձանց պատմածի, կոնֆլիկտը առաջացել էր Լեռնային Ղարաբաղի հիմնախնդրի շուրջ՝ հայերի ու ադրբեջանցիների միջեւ: Մարտուն Ուստյանը և նրա ընկերները, իմանալով, որ կռիվ է բռնկվել, գնացել էին այնտեղ և իրենց հետ կանչել ոստիկանին: Ծեծկռտուքի ու դանակահարության արդյունքում ոստիկանը ձեռքի վիրավորանք էր ստացել, իսկ Մարտուն Ուստյանը՝ որովայնի շրջանում:

ՆԳՆ-ից դեռ չկա այն հարցի պատասխանը, թե քանի մարդ է ձերբակալվել բախման արդյունքում, և ինչպիսի հետաքննություն է իրականացվում: Այնուամենայնիվ, դեռահասի հարազատները ասում են, որ միջադեպից անմիջապես հետո մեկ մարդ է ձերբակալվել: Նրանք նշում են նաև, որ Ախալքալաքի տարբեր գյուղերի պատանիներին դանակահարած և ծեծի ենթարկած մարդիկ միջին տարիքի են, ավելի քան 30 տարեկան:

• Ղարաբաղի թեման ու Ախալքալաքի Գոման գյուղի բնակչի դանակահարությունը
• Ախալքալաքի բնակչին դանակահարելու համար բերման է ենթարկվել Ադրբեջանի քաղաքացի
• Ի՞նչ են պատմում Բաթումիի դանակահարությանը ներկա եղած տղաները

---

---