Ղարիբաշվիլին չի պատրաստվում հրաժարական տալ, իսկ կատարվածի համար մեղադրում է Սաակաշվիլիին

Ղարիբաշվիլին չի պատրաստվում հրաժարական տալ, իսկ կատարվածի համար մեղադրում է Սաակաշվիլիին

Կառավարության այսօրվա նիստում Վրաստանի վարչապետ Իրակլի Ղարիբաշվիլին անդրադարձել է երեկ Թբիլիսիում անցկացված բողոքի ցույցերին, որոնց ընթացքում ցուցարարները պահանջում էին վարչապետի հրաժարականը: Նրա խոսքով` ցույցի ընթացքում լսվել են «դասական հակապետական, հակաեկեղեցական և ապազգային ուղերձներ»։

Վարչապետի խոսքով՝ հանրահավաքի ագրեսիվ բանախոսները պահանջում էին նաև պատրիարքի ձերբակալությունը, բացի կառավարության հրաժարական պահանջելուց, ինչը ըստ վարչապետի «նրանց երազանքն է»:

Ղարիբաշվիլին, ավանդույթի համաձայն, հուլիսի 5-6-ին տեղի ունեցած իրադարձությունների համար մեղադրում է նախկին իշխանություններին և «ռադիկալ ընդդիմությանը»: Նրա խոսքով` սա Սաակաշվիլիի կողմից կազմակերպված դավադրության ծրագիր էր, որը չիրականացավ:

Հիշեցնենք` երեկ Թբիլիսիում իր տանը մահացած են գտել TV Pirveli հեռուստաընկերության օպերատորին, որը հուլիսի 5-ին տասնյակ լրագրողների հետ միասին դաժան ծեծի էր ենթարկվել ռադիկալ խմբերի կողմից: Երեկ Խորհրդարանի դիմաց լրագրողների կողմից կազմակերպված ցույցի ընթացքում ցուցարարները պահանջում էին Ղարիբաշվիլիի հրաժարականը:aliq.ge