Սամեբայի գյուղամիջյան ճանապարհը հարթեցվել է

Նինոծմինդայի մունիցիպալիտետի Սամեբա գյուղն ունի տարբեր սոցիալական և առօրյա խնդիրներ, հիմնականներից հանդիսանում է ճանապարհի անմխիթար վիճակը:

NOR ռադիոկայանը նախկինում անդրադարձել էր, որ Ժդանովականից Սամեբա տանող ճանապարհահատվածը գտնվում է անմխիթար եւ քանդված վիճակում: Նինոծմինդայի քաղաքապետարանի ենթակառուցվածքների ծառայությունից հայտնել էին, որ վերոնշյալ ճանապարհի նախագիծը արդեն կազմված է: 4կմ 100մ երկարությամբ ճանապարհի ասֆալտապատման համար նախատեսվել է 2 400 000 լարի գումար: Սակայն այս տարի ասֆալտապատման աշխատանքներ չի նախատեսվում, իսկ ինչ վերաբերվում է հաջորդ տարվան, դեռեւս ոչինչ հայտնի չէ:

Նշենք, որ երկու օր առաջ Ժդանովականից Սամեբա տանող ճանապարհի վրա իրականացվել են հարթեցման աշխատանքներ:

Նինոծմինդայի քաղաքապետարանում Ժդանովական գյուղի ներկայացուցիչ Պետրոս Թամասյանը NOR ռադիոկայանի հետ զրույցում ասաց. «Ճանապարհի հարթեցման աշխատանքները կատարվում են Նինոծմինդայի քաղաքպետարանի նախաձեռնությամբ: Իսկ ինչ վերաբերվում է ասֆալտապատմանը, ասեմ, որ աշխատանքները նախատեսվում է սկսել հաջորդ տարվա գարնանը»:

Կարդացեք նաեւ՝

• Ժդանովականից մինչեւ Սամեբա տանող ճանապարհը գտնվում է անմխիթար վիճակում
• Այս տարի Սամեբայի ճանապարհը չի ասֆալտապատվի

---

---