Ժդանովականի եւ Սամեբայի ջրագծերի վերանորոգման մրցույթը կայացել է. «Օգնություն գյուղին» ծրագիր

Նինոծմինդայի մունիցիպալիտետի Ժդանովական եւ Սամեբա գյուղերում «Օգնություն գյուղին» ծրագրի շրջանակներում շարունակվելու են խմելու ջրի համակարգերի կառուցման աշխատանքները:

Ե՞րբ կմեկնարկեն եւ ո՞ր փուլում են գտնվում վերոնշյալ աշխատանքները զրուցեցինք Գորելովկայի գյուղական համայնքի ներկայացուցիչ՝ Մնացական Բաբաջանյանի հետ:

Նրա խոսքով. «Օգնություն գյուղին ծրագրի շրջանակներում մրցույթը կայացել է մեր համայնքի՝ Գորելովկա, Սամեբա, Եֆրեմովկա, Ժդանովական եւ Օրլովկա գուղերի աշխատանքների իրականացման համար: Գորելովկայում մասամբ աշխատանքները իրականացվել են, իսկ մնացած գյուղերում մոտ օրերս կմեկնարկեն»:

Գորելովկայի համայնքում «Օգնություն գյուղին» ծրագրի շրջանակներում աշխատանքների իրականացման համար հատկացվել էր 49 437 լարի գումար, որտեղ 46 497 լարիով մրցույթը շահել է შპს ”არო” ընկերությունը:

1. Սամեբա – խմելու ջրի համակարգի վերանկանգնում – 9 887.5լարի
2. Ժդանովական – խմելու ջրի համակարգի վերականգնում – 11 865 լարի
3. Եֆրեմովկա – մինի մարզադաշտի կառուցում (3-րդ փուլ)- 9 887.5 լարի
4. Գորելովկա – սպորտդահլիճի հանդերձարանի վերանորոգում – 5932 լարի
5. Օրլովկա – ջրահեռացման համակարգի անցկացում – 11 865 լարի

Նինոծմինդայի քաղաքապետարանում Ժդանովական գյուղի մասնագետ Հովսեփ Անտանոսյանը NOR -ռադիոկայանի հետ զրույցում ասաց. «Ժդանովականին գյուղական ծրագրով ինչպես անցած տարի այս տարի նույնպես իրականացվելու է ջրագծերի վերանորոգում: Այս տարի ամբողջովին այդ աշխատանքները ավարտին կհասցվեն, որտեղ փոխվելու է մոտ 1 կմ երկարությամբ ջրատար խողովակներ»:

Մանրամասները՝ ձայնագրությունում.

Հաղթող ընկերությունը պարտավոր է աշխատանքները իրականացնել օգոստոսի 17 -ից սկսած պայմանագրի ստորագրումից հետո 14 շաբաթվա ընթացքում մինչեւ նոյեմբերի 22 -ը ներառյալ։

Կարդացեք նաեւ՝

• Սպասովկայի «Օգնություն գյուղին» ծրագրով աշխատանքները գտնվում են սպասողական վիճակում
• Հեշտիայում մեկնարկել են «Օգնություն գյուղին» ծրագրով գիշերային լուսավորության աշխատանքները

---

---