Վրաստանում կպատվաստվեն նաև 12-15 տարեկանները

Վրաստանը թույլատրել է 12֊15 տարեկան երեխաների պատվաստումը։Այս փուլում խոսքը միայն քրոնիկ հիվանդություններ ունեցող երեխաներին է վերաբերում։ Այս մասին հայտնել է երկրի առողջապահության փոխնախարար Թամար Գաբունիան:

«Չնայած այն հանգամանքին, որ եվրոպական շատ երկրներում այս տարիքային խմբերում պատվաստումն արդեն լայնորեն սկսվել է, առաջին փուլում մենք կանգ առանք միայն քրոնիկ հիվանդություններ ունեցող երեխաների վրա», — ասել է Գաբունիան:

Հուլիսին Վրաստանը Pfizer-ով պատվաստումների համար առաջարկվող տարիքը իջեցրեց 18-ից մինչև 16 տարեկան: Չինական Sinovac և Sinopharm պատվաստանյութերը հասանելի են 18 տարեկանից բարձր քաղաքացիների համար, իսկ AstraZeneca- ն՝ 45 -ից բարձրերի համար:

Վրաստանում կորոնավիրուսի դեմ պատվաստումները սկսվեցին մարտի 15 -ին ՝ աստիճանաբար ընդգրկելով բնակչության ավելի ու ավելի նոր խմբեր:

Հոկտեմբերի 7 -ի դրությամբ Վրաստանում իրականացվել է 1,844,965 պատվաստում: 849 946 մարդ անցել է կորոնավիրուսի դեմ պատվաստման ամբողջական կուրս, որը կազմում է երկրի չափահաս բնակչության 29,8% -ը:

Վերջերս պատվաստումների տեմպը կտրո

ւկ դանդաղեց: Միջին հաշվով` երկրում օրական կատարվում է 8 հազար պատվաստում:aliq.ge