Փոքր Խանչալիի երիտասարդները բողոքում են սպորտդահլիճի բացակայությունից

Նինոծմինդայի մունիցիպալիտետի Փոքր Խանչալի գյուղը շրջանում հայտնի է սպորտային ակտիվությամբ եւ տաղանդավոր մարզիկներով:

Գյուղում երիտասարդները ձմռան ամիսներին չունեն հնարավորություն եւ վայր որտեղ կարող են զբաղվել սպորտով:

Բնակիչներից պարոն Թորգոմը մեզ հետ զրույցում ասաց. «Մեր գյուղը միշտ էլ առաջատար է եղել տարբեր տեսակի սպորտի ասպարեզում, սակայն այս օրվա դրությամբ ոչ մի զբաղվելու կամ մարզվելու տեղ չունեն երիտասարդները: Դիմել ենք բազմիցս այդ հարցով բայց ապարդյուն: Փոքր Խանչալիի բնակչության անունից խնդրում ենք, որ ուշադրություն դարձնեն եթե սպորտդահիլճ չեն կառուցում գոնե մինի ֆուտբոլի խաղադաշտը վերանորոգեն, որպեսզի երիտասարդությունը ծխելու կամ հեռախոսների հետ խաղալու փոխարեն զբաղվեն սպորտով:

Փոքր Խանչալիի բնակիչ Խորեն Իսպիրյանի խոսքով՝ եթե սպորտդահլիճ լինի ապա երիտասարդության 60-70 %-ը զբաղվելու տեղ կունենան եւ իրենց ժամանակը անտեղի չեն վատնի ու կյանքն էլ որոշ չափով հետաքրքիր կլինի:

Նշենք, որ Փոքր Խանչալիի ինչպես մինի խաղադաշտը, այնպես էլ մեծ ֆուտբոլի դաշտը գտնվում են անմխիթար վիճակում:

Մանրամասները՝ աուդիոձայնագրությունում.

Կարդացեք նաեւ՝

• Փոքր Խանչալիի մինի ֆուտբոլի խաղադաշտը անմխիթար վիճակում է
• Թորիայի սպորտդահլիճի շինաշխատանքները այս տարի չեն շարունակվելու

---

---